Fransa Azərbaycan səfirliyinin iki əməkdaşını ölkədən çıxarır
Bakı/27.12.23/Turan: Fransa Xarici İşlər Nazirliyi çərşənbə günü iki azərbaycanlı diplomatın ölkədən çıxarıldığını elan edib.
“Paris nəzərə alır ki Azərbaycanın Fransa səfirliyinin diplomatik heyətinin iki əməkdaşının persona non-qrata elan edilməsi ilə bağlı qərar qəbul edib.
Fransa öz diplomatlarına qarşı Bakı tərəfindən irəli sürdüyü ittihamları qəti şəkildə rədd edir.
Fransa cavab tədbiri olaraq Azərbaycanın Fransadakı səfirliyinin iki əməkdaşını persona non qrata elan edib.
Azərbaycanın Fransadakı səfiri bu gün Xarici İşlər Nazirliyində çağırılıb və ona bu bildirilib”, – Framsanın XİN-in mətbuat xidmətindən bildirilib.
Yada salaq ki, bir gün əvvəl Bakı Fransa səfirliyinin iki əməkdaşının casusluq ittihamı ilə ölkədən çıxarıldığını elan etmişdi.
Bundan əvvəl Paris casusluq ittihamı ilə iki azərbaycanlı jurnalisti deportasiya etmişdi.-0-
