Fransada karnavalda partlayış: 18 yaralı
Fransanın paytaxtı Paris yaxınlarındakı Villepinte şəhər ətrafında təşkil edilən ənənəvi karnaval zamanı meydana gələn partlamada 5-i ağır olmaqla, 18 nəfər yaralanıb.
Partlayışın karnavalın simvolu olan, ağac və samandan düzəldilmiş nəhəng adamın yandırılması zamanı meydana gəldiyi bildirilib. Partlayışdan alov alan nəhəng adamın ətrafında olan çox sayda adam yaralanıb.
Təhlükəsizlik güclərinin müdaxiləsi ilə bölgə boşaldılıb, karnaval sahəsinə çox sayda polis və jandarma gətirilib. Partlamanın terror hücumu olmadığı açıqlanıb. Səlahiyyətli şəxslər ağac və samandan düzəldilmiş nəhəng adamın asan yanması üçün istifadə edilən yanıcı maddənin birdən alov almış ola biləcəyi ehtimalı üzərində dayanır.
Partlayış zamanı yaralanan 18 adamın çoxunun uşaq olduğu deyilir. Yaralıların həyati təhlükəsi yoxdur. Nəhəng “adamı” yandırmağa çalışan adamın və şəhərin bələdiyyə başçı köməkçisinin da yaralılar arasında olduğu açıqlanıb.
azadliq.info
24saat.org
Mənbə – azadliq.info
