Fransanın paytaxtı Parisdə sarı jiletlilərin etirazlarının dördüncü ilində fəallar yenidən küçələrə çıxıb.
Vətəndaşların təşəbbüsü ilə sosial ədalət, daha çox demokratiya və referendum təşkil olunmasını istəyən sarı jiletlilər etirazlarının 4-cü ilində Parisdə nümayiş keçirib.
Yüzlərlə insanın iştirak etdiyi nümayişdə zaman zaman polislə nümayişçilər arasında gərgin anlar yaşanıb.
Borsa Meydanında başlayan və Anne-Marie Carriere meydanında sona çatan nümayişin marşrutunda nümayişçilər bəzi zibil qutularını yandırıblar.
Fransada 4 ildir sarı jiletlilərin nümayişlərinə qatılan təqaüdçü Josiane AA müxbirinə ölkədəki haqsızlığa diqqət çəkib.
“Biz artıq Fransada yaşaya bilmərik, soyuducumuz boşdur və indiki inflyasiya ilə tezliklə doldura bilməyəcəyiniz halda, bu, fəlakətli olacaq.” Josiane ölkədəki xəstəxanaların və sosial xidmətlərin pis vəziyyətdə olduğunu da açıqlayıb.
Sarı jiletli Şarlotta həmçinin Fransada bərabərsizliklərin görünməmiş sürətlə artdığını bildirib.
Fransada 17 noyabr 2018-ci ildə yanacağın bahalaşması və pis iqtisadi şərtlərə reaksiya olaraq başlayan sarı jiletlilər hərəkatı prezident Emmanuel Makronun sosial-iqtisadi siyasətlərinə etirazlarla davam edir.
Sarı jiletlilər hər şənbə Paris küçələrinə çıxaraq, “Makron istəməsə belə, biz işçilərin ləyaqəti və daha yaxşı dünya üçün buradayıq”. şüarı ilə etiraz aksiyası təşkil edir. (AA)
Tərcümə“24 SAAT”
