2022-12-03 17:02:48
İndoneziya Meteorologiya, İqlim və Geofizika Agentliyinin (BMKG) məlumatına görə, Qərbi Yava əyalətində 6,4 bal gücündə zəlzələ baş verib.
118 kilometr dərinlikdə qeydə alınan zəlzələ paytaxt Cakartada da hiss olunub. Zəlzələdən sonra sunami xəbərdarlığı olmayıb. Qərbi Yava əyalətinin mərkəzi olan Bandunqda yaşayan insanlar sosial şəbəkədəki paylaşımlarında şiddətli sarsıntı hiss etdiklərini bildiriblər.
Digər tərəfdən, keçən ay Qərbi Yavanın Cianjur bölgəsində baş verən 5,6 bal gücündə zəlzələdə 300-dən çox adam həlak olub.
İndoneziya “Sakit Okean Atəş Halqası” adlanan zəlzələ və vulkanik qurşağında yerləşir.
Tərcümə“24 SAAT”
