2022-11-24 14:45:21
Azka adlı oğlan dağıntılar altından salamat qalıb.
İlk yardım qrupları uşağa ilkin tibbi yardım göstərib, daha sonra uşaq ailəsinə qovuşub.
Azkanı xilas edən qruplar möcüzəli oğlanın ilk sözlərinin “anamı istəyirəm” olduğunu açıqlayıb.
Azkanın evində olan 5 nəfərdən özündən başqa 2 nəfər xilas edilib: babası və kiçik qardaşı.
İndoneziyada baş verən zəlzələ 5,6 bal gücündə olsa da, yerin səthinə yaxın olub və çoxlu sayda insanın ölümünə səbəb olub.
Axtarış-xilasetmə qrupları ölənlərin əksəriyyətinin zəlzələ zamanı məktəbdə olan uşaq və yeniyetmələr olduğunu bildirib.
Zəlzələdən 80-ə yaxın məktəbin zərər çəkdiyi güman edilir.
Səlahiyyətlilər ən azı 2200 evin uçduğunu və 13 mindən çox insanın təxliyə edildiyini bildirir.
BU VİDEO MARAQLI OLA BİLƏR
İndoneziyada 5,6 bal gücündə zəlzələ nəticəsində ölənlərin sayı 268 nəfərə çatıb
Tərcümə“24 SAAT”