İsraillilər Fələstin dövlətini dəstəkləyirlər
Mayın 27-də minlərlə israilli Fələstin dövlətinin yaradılmasına dəstək yürüşünə çıxıblar. Onlar “İki Dövlət, Bir Ümid” şüarını qaldırıblar.
Tədbirin təşkilatçısı olan QHT rəhbəri Avi Buskila deyib ki, yürüşə çıxanlar “işğal, zorakılıq və irqçilik yayan hökumətin heç bir ümid verməməsinə” etiraz edirlər.
Yürüşün Fələstin torpağının İsrail tərəfindən işğalının 50 illiyi münasibətiylə təşkil olunduğu bildirilir.
Etirazçılara mesajında Fələstin Muxtariyyətinin prezidenti Mahmud Abbas deyib ki, “harmoniya, təhlükəsizlik və sabitlik şəraitində yaşamaq vaxtıdır”.
İsrailin müxalifətdə olan Əmək Partiyasının lideri Isaac Herzog yürüşə qatılıb.
50 il öncə İsrail İordan çayının qərb sahilini və Şərqi Qüdsü tutub. Bu, ərəb ölkələriylə altı günlük müharibə nəticəsində baş verib. Daha sonra Şərqi Qüdsü ilhaq edib ki, beynəlxalq ictimaiyyət onun bu addımını tanımayıb.
24saat.org
Mənbə – azadliq.org