Minlərlə insanın həyatını itirdiyi və yaşayış yerini tərk etmək məcburiyyətində qaldığı Rusiya və Ukrayna müharibəsi bir ili arxada qoydu. Münaqişələrin zaman-zaman yenidən şiddətləndiyi müharibədə “sülh” çağırışları nəticəsiz qalsa da, iddia edilən “sui-qəsd” dünya mətbuatında geniş əks-səda doğurdu. Almaniyanın “Bild” qəzeti Ukrayna xüsusi xidmətinin Rusiya prezidenti Putinə sui-qəsd cəhdi etdiyini iddia edib.
Sözügedən xəbərə görə, Ukrayna məxfi xidməti bazar günü günortadan sonra Ukraynadan UJ-22 pilotsuz təyyarəsini havaya qaldırıb. Ukraynanın ən müasir orta mənzilli 800 kilometr mənzilli pilotsuz uçuş aparatı Putinin səfərinə doğru yola düşüb.
Kiyev kəşfiyyat xidmətləri ilə yaxın əlaqələri olduğu deyilən ukraynalı fəal Yuri Romanenko məsuliyyəti öz üzərinə götürdüyü məktubunda deyib:
“Keçən həftə kəşfiyyatçılarımız Putinin Rudnevo sənaye parkına səfəri ilə bağlı məlumat aldılar. Buna uyğun olaraq Rusiya Federasiyasının bütün hava hücumundan müdafiə sistemlərini deşərək sənaye zonası yaxınlığında qəzaya uğrayan kamikadze pilotsuz təyyarəmiz havaya qalxdı”.
Söz mövzusu sui-qəsd gündəmi yaratsa da, o dövrdə Rusiya mətbuatında çıxan xəbərlər diqqət çəkdi. Rusiya mətbuatı UJ-22 pilotsuz təyyarəsinin Moskvanın şərqindəki Voroskoqo kəndi yaxınlığında qəzaya uğradığını bildirib.
İddialara görə, vurulan pilotsuz uçuş aparatında ümumi çəkisi 17 kiloqram olan 30 ədəd C4 partlayıcı blok aşkar edilib.
Bazar günü günortadan sonra yoldan keçən bəzi rusiyalılar Rudnevo sənaye parkından əsas binanın qarşısında yenidən yaşıl rəngə boyanmış boz qazonu əks etdirən fotolar yayımlayıblar.
Ölkədə təhlükəsizlik baxımından Putinin səfərləri bəzən elan olunmazdan bir gün əvvəl keçirilir.
Tərcümə“24 SAAT”