Kuba rəsmiləri və ordu birliyinə qarşı sanksiyalar tətbiq edilib
ABŞ-ın Maliyyə Nazirliyi Kuba hökumətinin keçən ay nümayişçilərə qarşı basqıları ilə bağlı Daxili İşlər Nazirliyinin iki məmuruna və bir hərbi hissəyə qarşı sanksiyalar tətbiq etdiyini bildirib.
Nazirlik Romariko Vidal Sotomayor Qarsia və Pedro Orlando Martinez Fernandezə və Kuba İnqilabçı Silahlı Qüvvələr Nazirliyinin Tropas de Prevencion birliyinə sanksiya irəli sürüb.
ABŞ-ın Maliyyə Nazirliyi Xarici Aktivlərə Nəzarət Ofisinin direktoru Andrea Qaski deyib ki, “bugünkü addım Kuba xalqının azadlıq və insan haqlarına hörmət çağırışlarını boğmaqdan məsul olan digər günahkarlar dadiqqət mərkəzindədir”.
Kubanın Vaşinqtondakı səfirliyi şərh verməkdən imtina edib.
İyulda Bayden administrasiyası Kuba polis qüvvələrinə və iki liderinə qarşı sanksiyalar tətbiq etmişdi.
Etirazlar Kubanın köhnə müttəfiqi Sovet İttifaqının süqutundan bəri ən ağır iqtisadi böhran və koronavirus infeksiyalarında rekord artım fonunda iyul ayında başlayıb.
Minlərlə insan əsas mal çatışmazlığından, vətəndaş azadlıqlarının məhdudlaşdırılmasından və səlahiyyətlilərin pandemiya ilə mübarizəsindən qəzəblənərək küçələrə çıxmışdı.
Kuba prezidenti Miguel Diaz-Kanel iğtişaşlara, son illərdə adada on illərdir davam edən ticarət embarqosunu sərtləşdirdiyinə görə ABŞ-dı günahlandırıb.
O, bir çox etirazçının səmimi olduğunu, lakin ABŞ-ın təşkil etdiyi sosial media kampaniyaları ilə manipulyasiya edildiyini deyib.
ABŞ-ın Maliyyə Nazirliyi yüzlərlə fəalın nəzarətə alındığı etiraz aksiyalarından sonra insan haqlarının pozulması iddiaları ilə əlaqədar Kubanın müdafiə naziri və Daxili İşlər Nazirliyinin xüsusi təyinatlı dəstəsinə sanksiyalar elan edib.
