2022-11-14 16:54:12
Amazon-un qurucusu Ceff Bezos sərvətini bağışlamaq qərarına gəlib.
CNN-ə danışan Bezos, sərvətinin böyük hissəsini bağışlamağı planlaşdırıb-bilmədiyini soruşduqda “Bəli” cavabını verib.
Məşhur milyarder ianəni sağ ikən etməyi planlaşdırdığını da vurğulayıb.
Bezos bəşəriyyəti birləşdirə bilən və dərin sosial və siyasi parçalanmaları sağalda bilən insanları dəstəkləmək istədiyini söylədi.
Bununla belə, Bezos hansı qurum və ya təşkilatlara nə qədər ianə verəcəyi barədə ətraflı məlumat verməyib.
Bloomberg Milyarderlər İndeksinə görə dünyanın dördüncü ən varlı adamı olan Bezos son illərdə həyat yoldaşından 38 milyard dollarlıq boşanma razılaşması ilə ayrılıb.
Boşandıqdan sonra Bezosun keçmiş arvadı MacKenzie Scott ABŞ-dakı şorbaxanalara və xeyriyyə təşkilatlarına dörd ay ərzində 4,2 milyard dollar bağışladığını açıqladı.
Scott, ianələr üçün 6500 xeyriyyə təşkilatından 380-ni seçdiyini bildirərək bloqunda aşağıdakı açıqlamanı verdi;
“Pandemiya onsuz da çətin vəziyyətdə olan amerikalılar üçün dağıdıcı oldu. İqtisadiyyat və sağlamlıq baxımından qadınlar, rəngli insanlar, yoxsulluq içində yaşayanlar daha çox əziyyət çəkirdilər. Bu arada milyarderlərin sərvəti xeyli artıb”.
Scott əlavə etdi ki, o, qida təhlükəsizliyi, irqi bərabərsizliyə və yoxsullara diqqət yetirən və ianə ala bilməyən təşkilatlara yardım edir.
Tərcümə“24 SAAT”