Xəbərlər
Minimum əməkhaqqı 45 manat artdı
Prezident İlham Əliyev yanvarın 5-də “Əhalinin sosial rifahının yaxşılaşdırılması sahəsində əlavə tədbirlər haqqında” Sərəncam imzalayıb.
Sərəncama əsasən, Azərbaycanda minimum aylıq əməkhaqqı 2023-cü il yanvarın 1-dən 345 manat müəyyən edilib.
Habelə, Nazirlər Kabinetinə 10 gün müddətində əmək pensiyasının minimum məbləğinin 280 manata çatdırılması, sosial müavinətlərin və təqaüdlərin artırılması ilə bağlı təkliflərini Azərbaycan Prezidentinə təqdim etmək tapşırılıb.
Bu sərəncama qədər Azərbaycanda minimum əməkhaqqı 300, əmək pensiyasının minimum məbləği isə 240 manat idi.