Dünya
Modi Obamayla görüşəcək
Hindistanın Baş naziri Narendra Modi Birləşmiş Ştatlara səfərə gəlib. Məqsəd ikitərəfli münasibətlərin gücləndirilməsidir.
Modi iyunun 6-da Vaşinqton yaxınlığındakı Andrews Hava qüvvələri Bazasına enib.
O, Arlinqton Milli Qəbiristanlığında Naməlum Əsgərin məzarı üstünə əklil qoyub.
İyunun 7-də Prezident Barack Obama Ağ Evdə Modi ilə görüşəcək. Onlar Vaşinqtonla Yeni Dehli arasında mümkün müdafiə sazişini müzakirə edəcəklər.
Modi iyunun 8-də ABŞ Konqresində çıxış edəcək.
2014-cü ildə vəzifəyə gələndən, Modi ABŞ-a dördüncü səfərini edir. O, ABŞ-dan sonra Meksikaya gedəcək.