Moldovanın keçmiş prezidenti ev dustaqlığına buraxılıb
Prokuror onun həbs olunmasını istəyib
Kişinyov Məhkəməsi keçmiş prezidenti İqor Dodonu 30 sutka ev dustaqlığına göndərib.
Ancaq məhkəmə prosesində prokuror Piotr Yarmalyuk eks-prezidentin həbs olunmasını istəyib.
Bu barədə “NewsMaker” agentliyi məlumat yayıb. Agentliyin məlumatına görə, ev dustaqlığında olan İ.Dodon sübutları məhv edə və istintaqa təsir edə biləcək.
Prokuror Piotr Yarmalyuk jurnalistlərə bildirib ki, qərardan apellyasiya şikayəti verəcək.
İqor Dodon mayın 24-də passiv korrupsiya (Moldova Cinayət Məcəlləsinin 324-cü maddəsi), siyasi partiya tərəfindən cinayət təşkilatından maliyyə vəsaiti alma (CM-in 181/2-ci maddəsi), qanunsuz varlanma (maddəsi) üzrə saxlanılıb. O, həm də dövlətə xəyanət (CM-nin 337-ci maddəsi ilə ittiham olunub.
Bundan əvvəl İnformasiya və Təhlükəsizlik Xidmətləri Korrupsiyaya Qarşı Mübarizə Prokurorluğu ilə birlikdə İ.Dodonun 12 ünvanda olan evində axtarışlar aparıb.
Məlumata görə, təhlükəsizlik qüvvələri axtarışlar zamanı müxtəlif valyutalarda külli miqdarda pul və dəbdəbəli əşyalar aşkar ediblər.
