Kosmosa getmək bizim üçün böyük bir addım olsa da, kosmosa müntəzəm olaraq səyahət edən bəzi astronavtlar üçün adi bir addımdır. Amma kosmosa getmək işin yalnız bir hissəsidir. Ən əsası kosmosdakı həyata uyğunlaşmaqdır. Bu baxımdan kosmosa gedən astronavtların şəxsi qayğısı mühüm əhəmiyyət kəsb edir. Baş ofisi ABŞ-ın Nyu-York şəhərində yerləşən fərdi qulluq məhsulları istehsal edən çoxmillətli şirkət bu həftə məhz bu mövzuda sürpriz bir açıqlama verdi.
Gizmodo-nun xəbərinə görə, şirkət kosmonavtları kosmosda təmiz saxlamağın yeni yollarını araşdırmaq üçün NASA ilə müqavilə imzaladığını açıqlayıb.
Müqavilə şirkət və NASA arasında kosmonavtların aşağı Yer orbitində və ya uzunmüddətli missiyada olmalarından asılı olmayaraq, kosmosda olarkən onları təmiz saxlamağın yeni yollarını araşdırmaq üçün əlaqə yaradır. Üstəlik, bu müqavilə şirkətin həllərini Beynəlxalq Kosmik Stansiyada sınaqdan keçirməyə imkan verəcək.
Şirkət mətbuata açıqlamasında daha az su tələb edən ağız baxımı və dəriyə qulluq məhsulları və kosmos səyahətlərində istifadə edilə bilən davamlı qablaşdırma üzərində işləməkdə maraqlı olduğunu bildirib.
Keçmiş astronavt Cady Coleman müqaviləyə əsasən şirkətdə strateji məsləhətçi vəzifəsində çalışacaq. Coleman kosmosda 180 gündən çox vaxt keçirmiş bir insan kimi öz perspektivini bölüşəcək.
Şirkətin Beynəlxalq Kosmik Stansiyadan nə vaxt istifadə etməyi planlaşdırdığı hələlik məlum deyil.
Tərcümə“24 SAAT”
