Naxçıvanda kartofun qiyməti fantastik həddə çatdı
Muxtar Respublikaya kartof idxalı yasaqlanıb, səbəb…
Naxçıvan Muxtar Respublikasında iqtisadi durum sürətlə pisləşməkdə davam edir. 24saat.org-a etibarlı mənbədən daxil olan məlumata görə, son vaxtlar kartofun qiyməti 95 qəpiyə çatıb. Əsas ərzaq məhsullarından biri olan kartofun kəskin bahalaşması isrehlakçıların onsuz da ağır olan durumunu daha da çətinləşdirib.
Vəziyyəti ağırlaşdıran digər bir məqam isə Muxtar Respublikaya qonşu dövlətlərdən kartof idxalının yasaqlanmasıdır. Belə bir yasağın mövcudluğu daxili bazarda kartof qıtlığı yaradır ki, bu da inhisarçıları öz mallarını istədiyi qiymətə satmağa imkan yaradır.
Mənbənin məlumatına görə, Naxçıvanda kartof biznesi Muxtar Respublikanın İqtisadi İnkişaf Nazirliyinin nəzarətindədir və qiymətlərə də bu qurum nəzarət edir.
24saat.org