Dünya
Nikaraquada iğtişaşlarda ölənlərin sayı 135 nəfərə çatıb
Nikaraquada davam edən iğtişaşlar nəticəsində ölənlərin sayı 135 nəfərə çatıb.
APA-nın RİA Novosti agentliyinə istinadən verdiyi xəbərə görə, bundan əvvəl hökumətə qarşı keçirilən kütləvi aksiyalarda 127 nəfərin öldüyü bildirilirdi.
Nikaraquada etiraz aksiyaları aprelin 18-dən etibarən davam edir. Etirazçılar sosial sığorta fondlarına köçürmələrinin məbləğinin artırılmasını nəzərdə tutan islahata qarşı çıxış edirlər. Prezident Daniel Orteqa islahatı ləğv etsə də, ölkədə iğtişaşlar davam etməkdədir.
