Ölənlər iki mini ötdü
Son gündə Azərbaycanda koronavirus (COVID-19) infeksiyasına 4273 yeni yoluxma faktı qeydə alınıb, virusa yoluxanlardan 4164 nəfər sağalıb
Nazirlər Kabineti yanında Operativ Qərargahdan dekabrın 15-də verilən məlumata görə, COVID-19 üçün götürülən analiz nümunələri müsbət çıxan 41 nəfər də vəfat edib:
“Azərbaycanda indiyədək ümumilikdə 183 259 nəfər koronavirus infeksiyasına yoluxub. Onlardan 119 005 nəfər sağalıb, 2 007 nəfər vəfat edib, aktiv xəstə sayı 62 247 nəfərdir”.
Qərargahdan açıqlamaya görə, son sutka ərzində yeni yoluxma hallarının müəyyənləşdirilməsi ilə əlaqədar ölkədə 17 231, hazırkı dövrədək isə 1 980 579 test aparılıb.
2019-cu ilin sonlarında dünyada yeni koronavirus aşkar edilib. Bu il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 1,6 milyondan çox şəxsin vəfat etdiyi açıqlanıb.
24saat.org
Mənbə – azadliq.org