Dünya
Qazaxıstanda daha bir terror aktı törədildi
Qazaxıstanın Aktyubinsk vilayətində pioner düşərgəsinin mühafizəsi atəşə tutulub.
24saat.org “RİA Novosti” agentliyinə istinadən bildirir ki, bu barədə ölkənin Milli Təhlükəsizlik Komitəsinin rəhbəri Vladimir Jumakanov məlumat verib.
“Bu gün səhər yerli vaxtla 08:06-da ağ rəngli 15-ci model “Lada” avtomobilindən tüfənglə pioner düşərgəsinin mühafizə xidmətinin əməkdaşlarına atəş açılıb”, – Qazaxıstan prezidenti Nursultan Nazarbayevə azadlıqda olan daha altı nəfər ekstremistin tutulması üzrə görülən işlər barədə məruzəsində Jumakanov belə deyib.
Xatırladaq ki, bazar günü sözügedən vilayətin Aktobe şəhərində baş vermiş silahlı hücumda iştirak etmiş 6 nəfərin axtarışları davam edir.
