Bildirilib ki, Rusiyanın cənubunda, Ukrayna ilə sərhədə yaxın, Belqorod şəhərinin mərkəzində Rusiyaya məxsus Su-34 qırıcısının döyüş sursatının düşməsi nəticəsində partlayış baş verib.
Şəhərin mərkəzində baş verən partlayışla bağlı ilk açıqlamanı Belqorod vilayətinin qubernatoru Vyaçeslav Qladkov verib.
Partlayış nəticəsində şəhərin mərkəzindəki kəsişmədə 20 metr radiuslu böyük çuxur əmələ gəldiyini bildirən Qladkov təmiz vəziyyətdə bəzi binalara və nəqliyyat vasitələrinə ziyan dəydiyini bildirib.
Qladkov partlayış nəticəsində 2 nəfərin yaralandığını bildirib.
Qubernator Qladkovun bəyanatından dərhal sonra Rusiya Müdafiə Nazirliyi partlayışla bağlı açıqlama verib.
Açıqlamada, “Hava və Kosmik Qüvvələrin Su-34 təyyarəsinin 20 aprel 2023-cü il tarixində Moskva vaxtı ilə saat 22:15-də Belqorod şəhəri üzərində uçuşu zamanı aviasiya sursatları qeyri-adi şəkildə düşüb”. məlumat paylaşıldı.
Açıqlamada hadisə zamanı yaşayış evlərinə ziyan dəydiyi və insan itkisinin olmadığı, məsələ ilə bağlı birgə araşdırmanın davam etdirildiyi bildirilib.
Hadisə ilə bağlı sosial mediada təyyarənin səsinin şəhərin mərkəzində eşidildiyini və qısa müddət sonra partlayışın baş verdiyini göstərən təhlükəsizlik kamerası görüntüləri yayılıb. (AA)
Tərcümə“24 SAAT”