Sosial
Sabah 30 dərəcə isti olacaq
Aprelin 27-si Bakıda və Abşeron yarımadasında yağıntı gözlənilmir.
Ekologiya və Təbii Sərvətlər Nazirliyinin Milli Hidrometeorologiya Departamenti bildirir ki, Abşeronda gecə 10-14, gündüz 24-27 dərəcə isti olacaq. Bakıda isə gecə 11-13, gündüz 23-25 dərəcə isti gözlənilir.
Sabah ölkənin rayonlarında da ciddi yağıntı gözlənilmir. Axşam isə bəzi şimal və qərb rayonlarında şimşək çaxacağı, yağış yağacağı ehtimal edilir. Gecə 10-15, gündüz 25-30, dağlarda gecə 7-12, gündüz 20-25 dərəcə isti olacaq.