NATO-nun Kosovo Sülhməramlı Qüvvələri (KFOR) Kosovo ilə gərginlik fonunda Serbiyanın Kosovonun şimalına qoşun və polis yerləşdirmək istəyinə cavab verib. Serbiya prezidenti Aleksandar Vuçiç verdiyi açıqlamada KFOR-un Serbiyanın Kosovoya qoşun göndərmək istəyini rədd etdiyini və cavabın onlara “təsadüfən” mənalı bir tarixdə, pravoslav xristianların Milad bayramını qeyd etdikləri gün çatdırıldığını bildirib.
“Biz hamımız bilirdik və cavabın nə olacağını gözləyirdik, mən bunu əvvəllər demişəm” dedi Vuçiç. Təbii ki, onlar cavab verdilər ki, Serbiya Respublikası Silahlı Qüvvələrinin Kosovo ərazisinə qayıtmasına ehtiyac yoxdur”.
Birləşmiş Millətlər Təşkilatının (BMT) Təhlükəsizlik Şurasının 1244 saylı qətnaməsinin KFOR-a Serbiyanı rədd etmək hüququ vermədiyini müdafiə edən Vuçiç, “Milad ərəfəsində bizə müsbət cavab versəydilər, o zaman bunun bir mənası olardı. Amma Miladdan əvvəl mənfi cavab alanda bunun təsadüf olmadığını başa düşə bilərsiniz”.
Serbiya Kosovonun şimalındakı etnik serblərin həyatının təhlükəsiz olmadığını iddia edərək, Kosovonun şimalına 1000 nəfərlik hərbi və polis qüvvəsi göndərilməsi üçün KFOR-a rəsmi müraciət edib. Serbiyanın tələbi Kosovonun sərt reaksiyasına səbəb olub və Kosovo prezidenti Vjosa Osmani Serb ordusunun bir daha Kosovoya ayaq basmayacağını bildirib. (İHA)
Tərcümə“24 SAAT”
