Körfəz ölkələri soyuq və yağışlı havanın təsiri altına düşüb. Bölgə ölkələrindən Küveytə yağan dolu, Səudiyyə Ərəbistanına da yağan qar təsirli olub.
Küveyt Daxili İşlər Nazirliyindən verilən açıqlamada ölkədə təsirli olan əlverişsiz hava şəraiti barədə məlumat verilib.
Yağan leysan səbəbiylə bəzi yolların nəqliyyata bağlandığı bildirilən açıqlamada vətəndaşlardan davam edən yağışda meydana gələ biləcək mənfi təsirlərə qarşı diqqətli olmaları istənilib, fövqəladə hallar zamanı əlaqədar bölmələrin telefon nömrələri paylaşılıb. .
Küveyt Meteorologiya İnstitutu da ölkədə fırtına ilə təsirli olan leysanda hər kvadrat metrə 55 kiloqram yağıntı qeyd etdi.
Küveytin yerli mətbuatında çıxan xəbərlərdə ölkənin cənub bölgəsi və bir sıra bölgələrdə yağan leysan yağışdan sonra “dolu fırtınası”nın təsirli olduğu bildirilib və mövzu ilə bağlı görüntülərə yer verilib.
Səudiyyə Ərəbistanının rəsmi xəbər agentliyi SPA-da yer alan xəbərdə ölkənin şimal-qərbindəki Təbuk bölgəsinin gecə saatlarından etibarən qarın təsiri altında olduğu bildirilib.
Soyuq hava dalğasından sonra Levz Dağları bölgəsinin “ağlaşdığı” bildirilən xəbərdə ölkənin bir çox yerindən insanların “qar sevincini” yaşamaq üçün buraya səfər etdiyi qeyd edilib.
Səudiyyə Ərəbistanının şimal qonşusu İordaniyada bazar ertəsi yağan güclü yağış nəticəsində bəzi yerlərdə torpaq sürüşməsi baş verib, bəzi ərazilərdə yollar bağlanıb. (AA)
Tərcümə“24 SAAT”
