Suriya kürdlərinin rəhbərlik etdiyi qüvvələr İslam Dövləti (İŞİD) silahlı qruplaşmasının paytaxt elan etdiyi Raqqa şəhərinə yaxınlaşırlar.

Bu haqda mayın 13-də Böyük Britaniyada yerləşən Suriya İnsan Haqları Təşkilatı məlumat yayıb. ABŞ-ın da dəstəklədiyi Suriya Demokratik qüvvələrinin (SDF) şəhərin şimal-şərqinin 4 kilometrliyinə yaxınlaşdığı bildirilir.

Saytların yığılması

Buna da bax:​ Tabqa şəhəri İŞİD-dən alınıb

Bir gün öncə SDF komandirləri bildirib ki, yayın əvvəlinə Raqqaya hücum edəcəklər.

Kürd fəal Mustafa Bali-nin sözlərinə görə, SDF, sadəcə, Raqqanı mühasirəyə almağa çalışır və şəhərə hücum daha gec baş verəcək.

Raqqa ələ keçirilərsə, bu, ABŞ-ın dəstəklədiyi koalisiyadan ötrü böyük qələbə olar.

Buna da bax: Suriyada İŞİD-i geri oturdurlar

İŞİD 2014-cü ildə Suriya və İraqda böyük ərazilər ələ keçirib. Son zamanlar bir sıra cəbhələrdə, məsələn, iraqın Mosul şəhərində geri oturdulur.