Sabunçu-Ramana avtomobil yolunun tikintisinə başlanılıb.

“Qafqazinfo” “Azəravtoyol” ASC-nin saytına istinadən xəbər verir ki, sözügedən avtomobil yolu uzun müddət təmir olunmadığı üçün deformasiyaya uğramışdı.

Sabunçu-Ramana avtomobil yolunun uzunluğu 5.7 km, mövcud eni isə 7-8 metr arası dəyişir. Layihəyə uyğun olaraq yol 10 metrə qədər genişləndirilərək 2 hərəkət zolağından ibarət olacaq.

Hazırda vətəndaşların avtomobil yolunun kənarı ilə normal və təhlükəsiz hərəkəti üçün zəruri olan yerlərdə 1.5 metr enində piyada səkilərinin tikintisi və yol boyu yeni səki daşlarının düzülməsi işləri aparılır. Ümumilikdə yolun 60 min m2 ərazisinin asfaltlanması nəzərdə tutulub.