Tramp-Rusiya əlaqələrinin araşdırlması üçün xüsusi prokuror təyin edildi
ABŞ-ın Ədliyyə Nazirliyi mayın 17-də keçmiş FTB direktoru Robert Mülleri Rusiya və Trampın 2016-cı il seçki kampaniyası arasında mümkün koordinasiyanı araşdırması üçün xüsusi prokuror vəzifəsinə təyin edib.
Bu təyinatdan əvvəl Konqresdəki demokratlar və bəzi respublikaçılar siyasətlə bağlı bu təhqiqatın Ədliyyə Nazirliyindən kənar bir şəxs tərəfindən aparılmasına çağırışlar edirdilər.
Mayın 16-da açıqlanmış məlumatda deyilirdi ki, ABŞ prezidenti Donald Tramp, Ağ Evə gəlişinin birinci həftəsində, FTB direktoru Ceyms Komeydən Rusiyanın keçmiş milli təhlükəsizlik müşaviri Michael Flinn-lə əlaqələrinə dair araşdırmanın dayandırılmasını istəyib.
Çoxsaylı xəbərlərə görə Comey özünün memosunda Trampın bu xahişi barədə yazmışdı, lakin Ağ Ev fevral ayında yer almış Tramp-Komey görüşü barədə Komey-nin məlumatını inkar etmişdi.
Üç Konqres komitəsi Komey-nin memosunun təqdim olunmasını tələb etmişdi, habelə keçmiş FTB direktoru, Trampla münasibətləri barədə ifadə verməsi üçün dəvət olunmuşdu.
Bir sıra Konqres liderləri bildirirlər ki, Trampın FTB araşdırmasına xitam verilməsi tələbi cinayət tərkibi olan ədalətə mane olunması əməlidir.
Xüsusi prokuror vəzifəsini qəbul etmək üçün özəl hüquqşünaslıq fəaliyyətindən ayrılmalmış Mueller 2001-ci ildə FTB direktoru təyin edilmiş və büroya 11 sentyabr terror aktlarının baş verdiyi vaxt da daxil 2013-cü ilədək rəhbərlik etmişdi.
azadliq.org
24saat.org
Mənbə – azadliq.info
