Oteldə görüşdüyü və cinsi əlaqədə olduğu iddia edilən Stormi Danielsə Trampın 130 min dollarlıq “suş payı” ödəməsi ilə bağlı iddialar ABŞ-ı çaş-baş salıb. Tramp ABŞ prezidentliyi dövründə cinayət ittihamı ilə üzləşən ilk keçmiş prezident olub.
Trampın ittihamı ilə bağlı məhkəmədə ifadə verməsi gözlənilsə də, Tramp Nyu-Yorkda Tramp Tower-ə gəldikdən sonra bina ətrafında təhlükəsizlik tədbirləri genişləndirilib.
Trampın Nyu Yorka gəlişinə saatlar qalmış Tramp Tower baryerlərlə əhatə olunub və təhlükəsizlik tədbirləri görülüb.
Tramp tərəfdarları 5-ci prospektdə Nyu York Baş Prokurorluğunu və Demokratları hədəf alan şüarlar səsləndirərkən, polis qrupları ətrafda təhlükəsizlik tədbirlərini genişləndirib.
Trampla cinsi əlaqədə olduğu iddia edilən yetkin kino aktrisası Stormi Daniels bu münasibətə səssiz qalmaq üçün 2016-cı ildə 130 min dollarlıq müqavilə imzaladığını bildirib.
Daniels müqavilənin Tramp tərəfindən imzalanmadığı üçün etibarsız olduğunu müdafiə edib. Tramp Danielsin ittihamlarını rədd edib. Bununla belə, 2016-cı il seçki kampaniyasından əvvəl Trampın vəkili kimi çalışmış Maykl Koen Trampın adından Danielsə öz hesabından 130 min dollar ödədiyini təsdiqləyib.
Daha sonra Koen iddia etdi ki, Trampın şirkətləri ona təxminən 420 min dollar bonus ödəyiblər. Koen Trampın seçki kampaniyası ilə bağlı aparılan istintaqda “vergidən yayınma” və “Konqresə yalan danışmaq” ittihamı ilə saxlanılıb, seçki kampaniyasının maliyyə pozuntuları da daxil olmaqla, 9 federal ittiham üzrə təqsirli bilinib və 2018-ci ilin dekabrında 3 il həbs cəzasına məhkum edilib.
Federal prokurorlar sözügedən dövrdə Trampa qarşı heç bir araşdırma etməsələr də, Manhetten Prokurorluğu “sükut” ödənişi olaraq xarakterizə edilən istintaqa başladı.
(AA-İHA)
Tərcümə“24 SAAT”