Türkiyədən rəsmi açıqlama: “PYD ilə barışıq razılaşması yalandır”
Türkiyə prezidentinin sözcüsü İbrahim Kalın “Frat Qalxanı” əməliyyatında Türkiyənin PYD ilə barışıq razılaşması əldə etməsi iddialarını yalanlayıb. Kalın, əməliyyatlarda Türkiyənin Suriya Demokratik Qüvvələrini və PYD-ni hədəf almasını tənqid edən ABŞ-ı da qınayıb.
Prezident sözcüsü hazırlanan mətbuat konfransında PYD-ilə barışıq iddialarının yalan olduğunu, PYD-nin PKK-nın Suriya qolu olduğunu bildirib. O deyib: “PYD PKK-nın Suriya qolu olan terror təşkilatıdır. Türkiyə Cümhuriyyəti bu təşkilatla və onun hər hansısa qolu ilə hansısa münasibət və anlaşma qura bilməz”.
Türkiyənin İŞİD-lə mübarizədə beynəlxalq kualisiya ilə birgə hərəkət etdiyini xatırladan Kalın, ABŞ-lı rəsmilərin vaxtaşırı Türkiyə ilə terror təşkilatlarını eyni sıraya qoyan açıqlamalar etdiyini və Türkiyəni bunları qəbul etmədiyini bildirib.
ABŞ-ın xarici işlər sözcüsü Con Kirbi Türkiyənin etdiyi əməliyyatlarda Suriya Demokratik Qüvvələri ilə qarşı-qarşıya gəlməsini İŞİD ilə mübarizədə faydalı olmayacağını demişdi.
“Suriya Demokratik Qüvvələri ilə Türkiyə ordusu və ya Türkiyənin dəstəklədiyi qüvvələr arasındakı toqquşmaların İŞİD ilə mübarizədə effektli olmayacağını düşünürük”. – deyə Kirbi bildirmişdi.
Cumhuriyyet.az
