Dünya
Zəlzələ qurbanı olduğunu deyən 5 yaşlı türk uşaq Hollandiyada tək tapılıb
Hollandiya tək tapılan 5 yaşlı türk uşağı ilə danışır. Şəhərin mərkəzində gəzərkən tapılan uşaq Türkiyədən gəldiyini və fevralın 6-da baş verən zəlzələdə valideynlərinin xəsarət aldığını bildirib. Hollandiya rəsmiləri oğlanın dediklərini araşdırır.
Maastrixt polisinin İnstaqram hesabında “Böyük şəhərdə tək” başlığı ilə verilən açıqlamada 5 yaşlı türk uşağının şəhərin mərkəzində təkbaşına gəzərkən tapıldığı bildirilib. Heç bir holland dili bilməyən türkcə danışan uşaq polislər tərəfindən şirniyyat dükanında polis bölməsinə aparılıb. Polis bölməsində yemək və dondurma verilən uşaq türkcə danışan polislə söhbət edib.