2022-11-12 15:05:37
ABŞ Müdafiə Nazirliyi (Pentaqon) ABŞ istehsalı olan 4 Avenger hava hücumundan müdafiə sistemlərinin mülki ərazilər üçün qoruyucu şəbəkə yaratmaq üçün Ukraynaya göndərildiyini açıqlayıb.
Ukraynaya 400 milyon dollarlıq hərbi yardım çərçivəsində ABŞ ordusunun inventarından göndərilən bu sistemlər qısa mənzilli hava hücumundan müdafiə sistemləri kimi tanınır.
AĞ EVİ QORUMAQ ÜÇÜN İSTİFADƏ EDİLƏN ŞEYLƏR KİMİ
Humvee avtomobilinə quraşdırılmış Avenger hava hücumundan müdafiə sistemi infraqırmızı kamera, optik nişangah və lazer məsafəölçənə malikdir və 8 km-ə qədər hədəf ala bilir.
Yüksək tutumlu hava hücumundan müdafiə sistemləri Vaşinqtondakı Ağ Evi qorumaq üçün istifadə olunan sistemlərə bənzəyir.
M-1097 Avenger hava sistemi 2001-ci ildə bütün dünyanı şoka salan 11 sentyabr hücumlarından sonra Vaşinqtonda Pentaqonun müdafiəsi üçün istifadə edilib.
MÜZAKİRƏYƏ SƏBƏB OLUB
“Washington Post”un yazdığına görə, Ukraynaya bu yardım Amerikanın hava hücumundan müdafiə imkanlarının azalması ilə bağlı narahatlıqlarını ifadə edən ABŞ müdafiə ekspertləri arasında müəyyən mübahisələrə səbəb olub.
ZELENSKİ UZUN MÜDDƏT İSTƏDİ
Rusiya hava hücumları indiyədək Ukrayna üçün həyati əhəmiyyət kəsb edən obyektlərin üçdə birini məhv edib.
Ukrayna infrastrukturunun bir aydan çoxdur ki, ağır hücumlara məruz qaldığını bildirən prezident Vladimir Zelenski hər fürsətdə Qərb müttəfiqlərindən hava hücumundan müdafiə sistemi tələb edir.
PENTAQONDAN İZAHI
Pentaqonun sözçüsü Sabrina Sinq Avenger sistemlərinin tədarükü ilə bağlı açıqlama verib. “Hava hücumundan müdafiə sistemi Ukraynaya kritik infrastrukturu qorumaq imkanı verəcək” dedi.
ABŞ-ın 400 milyon dollarlıq paketinə daxil olan hərbi yardımlar belədir;
-HAWK hava hücumundan müdafiə sistemləri üçün raketlər
-4 Avenger hava hücumundan müdafiə sistemi
-192 Stinger raketləri
-Yüksək Mobil Artilleriya Raket Sistemləri (HIMARS) üçün əlavə sursat
-21 min 155 mm-lik artilleriya mərmisi
-500 dəqiq idarə olunan 155 mm-lik artilleriya mərmisi
-10 min 120 mm minaatan mərmiləri
-100 Yüksək Hərəkətli Çox Məqsədli Təkərli Avtomobil (HMMWV)
-400 qumbaraatan
-Kiçik silahlar, durbin və 20 milyon atıcı silah sursatı
– Söküntü avadanlığı və soyuq hava üçün geyim
BU VİDEO MARAQLI OLA BİLƏR
Rusiya qoşunlarının çıxarıldığı Xersonda Ukrayna bayraqları açılıb
Tərcümə“24 SAAT”