ABŞ-da Milad bayramları yaxınlaşdıqca ölkədə soyuq hava həyatı iflic edib. Milli Meteorologiya İdarəsindən verilən açıqlamada, həftə sonu intensivləşəcək səyahətlərlə xaosun gözlənildiyi bildirilib. Digər tərəfdən hava limanında hava istiliyinin 1 saat ərzində kəskin şəkildə düşməsi ilə rekord qırılıb. Ölkənin ən günəşli ştatı olan Floridada son 30 ilin ən soyuq Milad bayramını yaşaya biləcəyi proqnozlaşdırılır.
Çərşənbə günü Denver Beynəlxalq Hava Limanında (DIA) temperaturun kəskin enməsi müşahidə olunub. Boulderdəki Milli Hava Xidmətinin məlumatına görə, saat 15:53-də hava 42 dərəcə olub. Saatların əqrəbləri 16:53-ü göstərəndə temperatur 37 dərəcə aşağı düşüb, termometrlər isə 5 dərəcəni göstərib. Bu, DİA-da tarixdə bir saat ərzində ən böyük temperatur düşməsidir. Əvvəlki rekord 2007-ci il yanvarın 27-də qeydə alınıb, o zaman temperatur bir saat ərzində 41 dərəcədən 6 dərəcəyə enib.
Digər tərəfdən, Milli Hava Xidmətində meteoroloq kimi çalışan Viktoriya Çavesin sözlərinə görə, hava limanında havanın temperaturu 15 dəqiqə ərzində 42 dərəcədən 13 dərəcəyə düşüb.
Digər tərəfdən AA-ya görə; Milli Hava İdarəsi (NOAA) tərəfindən edilən açıqlamada, ABŞ və Kanadanın bəzi bölgələrində şimal qütbündən gələn və təsirini göstərən dondurucu küləklərin öz təsirini göstərdiyi ifadə edilərək görüləcək tədbirlərlə bağlı xəbərdarlıq edilib. ABŞ-ın şərqinə təsir edir.
Açıqlamada, ABŞ-da 100 milyondan çox insanın onilliklər ərzində görülməmiş qış şərtləri ilə üzləşməsinin gözlənildiyi, bayram həftəsonunda xaosun yaşanacağı vurğulanıb.
Bu həftənin sonuna kimi ölkənin bəzi bölgələrində havanın temperaturunun mənfi 45 dərəcəyə düşə biləcəyinə işarə edilərək, uçuş izləmə saytı FlightAware-in məlumatına görə, ABŞ-da bu gün və sabah üçün 2200-dən çox uçuşun ləğv edildiyi bildirilib.
Digər tərəfdən Çikaqoda sürəti saatda 80 kilometri keçən güclü külək səbəbiylə güclü qar yağacağını gözləyən meteoroloqlar sabaha qədər fırtınanın sürətlə güclənən “bomba siklonuna” çevrilə biləcəyi ilə bağlı proqnozlarını bölüşüblər.
Arktika hava kütləsinin ABŞ-ın ən isti bölgələrindən Texasın Meksika sərhəddinə enəcəyi və ölkənin ən günəşli ştatı olan Floridada son 30 ilin ən soyuq Milad bayramını yaşaya biləcəyi təxmin edilir.
Dondurucu temperaturun ən təsirli olacağı ştatlar olan Kentukki, Corciya, Oklahoma və Şimali Karolina ştatlarında fövqəladə vəziyyət elan edilərkən, yaxın günlərdə bu rəqəmin artacağı ehtimalı vurğulanır.
Fırtınanın Orta Qərbi Amerika və Kanadada elektrik enerjisinin kəsilməsinə səbəb olacağı gözlənilir.
Kolorado ştatında qapalı stadion olan Denver Coliseum donma təhlükəsi ilə üzləşən sakinlər üçün istiləşmə mərkəzinə çevrilib.
NOAA dünən verdiyi açıqlamada, “bir nəsildə bir dəfə” görüləcək qədər nadir olan böyük çovğun və soyuq hava dalğasının ABŞ-ın demək olar ki, bütün ştatlarına təsir edəcəyi barədə xəbərdarlıq edib.
Açıqlamada, soyuq havanın təsiri ilə meydana gələcək fırtınanın ölkənin Kanada sərhədindəki Böyük Göllər bölgəsində 3-cü kateqoriya qasırğasının təzyiqinə bərabər olacağı paylaşılıb.
Tərcümə“24 SAAT”
