Dünya
Azərbaycanlı oliqarxın işçiləri maaşa görə etiraz edir
Rusiyada futbol üzrə 2018-ci il Dünya Çempionatının oyunları üçün nəzərdə tutulan “Rostov-Arena” stadionunun tikintisində işləyən inşaatçılar əmək haqlarının verilməməsinə etiraz olaraq aksiya keçirib.
Obyektin baş podratçısı azərbaycanlı oliqarx Araz Ağalarovun “Crocus Group” şirkətidir.
Virtualaz.org Rusiya KİV-lərinə istinadən xəbər verir ki, inşaatçılar mart ayından bu yana əmək haqqı ala bilmədiklərini deyirlər. Rostov vilayət hökumətinin nümayəndələri obyektə baş çəkib və inşaatçılarla görüşüb.Hökumətdən bildiriblər ki, əmək haqqının gecilməsi problemi var, ancaq obyektdə işlər qrafikə uyğun gedir və podratçı şirkət məsələnin tezliklə həll olunacağını bildirib.