Dünən ölkə başçısı İlham Əliyevin sərəncamı ilə Mehriban Əliyevanın birinci vitse-prezident təyin olunmasına özünəxas şəkildə şərh verən Türkiyənin FOX telekanalının 22 fevral tarixindən etibarən Azərbaycan ərazisində yayımına məhdudiyyət tətbiq olunub.
Ölkənin aparıcı İPTV və analoq yayım şirkətlərindən biri olan “AİLƏ TV”-nin facebook səhifəsindən bu xəbər belə yayımlanıb:
MTRŞ-nın göstərişinə əsasən, FOX Türk kanalının yayımı analoq, rəqəmsal və iptv yayım növlərində dayandırılmışdır. FOX Türk kanalı digər bir TV kanal ilə əvəz olunacaq.
Xatırladaq ki, dünən “FOX Ana Haber” proqramında aparıcı Fatih Portakal “Azerbeycan Tipi Başkanlık” yanaşması ilə sözügedən təyinatı tənqid etmişdi.
