Pakistanın paytaxtı İslamabadda mənşəyi məlum olmayan bəbir insanlara hücum edib. 4 nəfərin yaralanmasına səbəb olan bəbirlə bağlı səlahiyyətlilər rayon əhalisini evlərini tərk etməməyə çağırıb. Tikilməkdə olan binaların içərisində gizləndiyi bildirilən bəbirin tutulması üçün işlər davam edir.
Pakistanın paytaxtı İslamabadda yaşayış massivinə bəbir düşüb. Bəbirin insanlara hücumu nəticəsində 4 nəfər yaralanıb. Xəbərdarlıqlar üzərinə İslamabad Vəhşi Təbiət İdarəsi tərəfindən bölgəyə çoxlu qruplar göndərilib. Ətrafdakıların çəkdiyi kadrlarda bəbirin ətrafa qaçaraq insanlara hücum etdiyi və bir nəfərin silahla bəbirə atəş açdığı görünür.
Səlahiyyətlilər sakinləri evlərində qalmağa çağırarkən, bəbirin tikilməkdə olan binaların içərisində gizləndiyi bildirilib. Bəbirin haradan gəldiyi hələ məlum olmasa da, bəbiri tutmaq üçün işlər davam edir.
Mənbə: İHA
Tərcümə“24 SAAT”