Bakıya 1, Yerevana 5 əsir qaytarılıb
Fevralın 9-da Azərbaycan və Ermənistan arasında əsirlərin növbəti mübadiləsi keçirilib.
Bu barədə xəbəri RIA Novosti Dağlıq Qarabağdakı Rusiya sülhməramlı kontingentinə istinadən yayıb.
Sülhməramlıların komandanı, general-leytenant Rüstəm Muradov deyib ki, Bakıya 1, Yerevana 5 əsir gətirilib.
O bildirib ki, əsirləri Yerevana və Bakıya Rusiyanın hərbi təyyarələri çatdırıb.
AzadlıqRadiosunun Erməni xidməti – Azatutyun baş nazirin müavini Tiqran Avinyanın ofisindən aldığı məlumata əsasən yazır ki, Ermənistana gətirilən əsirlərdən üçü Hadrut rayonunun Çaylaqqala kəndinin ərazisində əsir düşmüşdü.
Xəbərdə deyilir ki, hava limanında gətirilənlərdən birinin hələ oktyabrda əsir düşdüyü məlum olub.
Azatutyun yazır ki, ümumilikdə Azərbaycandan Ermənistana indiyədək 64 əsir qaytarılıb, amma 9 noyabr razılaşmasından sonra əsir düşmüş 62 hərbçidən indiyədək yalnız 8-i erməni tərəfinə verilib.
Azatutyun yazır ki, erməni tərəfinin məlumatına görə Azərbaycan tərəfində 200-dən çox erməni əsir var.
Azərbaycan bu rəqəmi təsdiqləmir.
Fevralın 9-da əsirlərin dəyişdirilməsi barədə xəbərə hələki rəsmi Bakıdan münasibət bildirilməyib.
24saat.org
Mənbə – azadliq.org
