SEÇMƏ
CHP-nin sabiq başqanı vəfat edib
Yayımlandı: 11 Fevral 2023 15:01
84 yaşlı Dəniz Baykal uzun illər beyin iflicindən əziyyət çəkirdi
Fevralın 11-də Cümhuriyyət Xalq Pariyasının (CHP) sabiq başqanı Dəniz Baykal vəfat edib.
84 yaşlı Dəniz Baykal uzun illər beyin iflicindən əziyyət çəkirdi.
Məlumatı partiyanın indiki başqanı Kamal Kılıcdaroğlu “Twitter”də yayıb.
1938-ci ildə Antalyada anadan olan Dəniz Baykal yeddi dəfə həmin şəhərin deputatı olub.
O, Ankara Universitetinin Hüquq fakültəsini bitirib. Təhsilini ABŞ-da davam etdirən D.Baykal yenidən Ankara Universitetində müəllim kimi çalışıb.
1974-cü ildə Bülent Ecevit hökumətində qurulan koalisiyada maliyyə naziri vəzifəsini icra edən D.Baykal 1978-ci ildə qurulan üçüncü Ecevit hökumətində enerji və təbii sərvətlər naziri olub.
