Daha 2000 həbs edilmiş dəstə üzvü El Salvadordakı meqa həbsxanaya aparılıb. Dəstə üzvlərinin həbsxanaya aparıldığı görüntüləri prezident Nayib Bukele Twitter hesabında paylaşaraq mübarizənin davam edəcəyini bildirib. Bukele “Bu gün yeni bir aksiya keçiririk və 2000 nəfərlik ikinci dəstə qrupunu Terrorla Mübarizə Mərkəzinə (CECOT) göndərdik. Beləliklə, dünyanın ən çox tənqid edilən həbsxanasında yaşayan dəstə üzvlərinin sayı 4000-ə çatıb. ” ifadəsini işlətdi.
Bukelenin paylaşdığı videoda dəstə üzvlərinin sıx təhlükəsizlik tədbirləri altında qısa şort, döymə bədən və yalın ayaqla həbsxanaya aparıldığı anları əks olunub. Sonuncu dəfə fevralın 26-da 2000 dəstə üzvü meqa həbsxanaya aparılıb.
Fevralın 2-də San Salvadordan 74 kilometr aralıda yerləşən Tekoluka şəhərindəki vadidə 166 hektar sahədə meqa həbsxana adlanan həbsxananın açılışı olub.
Dəstələrlə mübarizə məqsədilə inşa edilən və Amerika qitəsinin ən böyük həbsxanası olduğu deyilən “Terrordan Mühafizə Mərkəzi” prezident Bukele tərəfindən açılıb. Hazırda ölkədəki həbsxana tutumunun 30 min civarında olduğu qeyd edilir.
Amerika Mərkəzi Universitetinin 2022-ci ilin oktyabrında dərc etdiyi sorğuya görə, El Salvadorluların 75,9 faizi hökumətin fövqəladə vəziyyət (OHAL) qərarını bəyənir və Bukelenin siyasətinin cinayət nisbətlərini azaltdığını düşünür.
24 Noyabr 2022-ci il tarixli çıxışında Bukele, mart ayından bəri fövqəladə vəziyyət rejimi altında 60 mindən çox adamın həbs edildiyinə diqqət çəkərək, bu cür tədbirlərin qətldə günahlandırılan bəzi dəstə üzvlərinin axtarıldığı Komasaqua şəhərində də işlədiyini söylədi. .
Bildirilir ki, El Salvadorda həyata keçirilən sərt tədbirlərdən sonra 2022-ci ilin yanvar-oktyabr aylarında törədilən qətllərin sayı 2021-ci ilin eyni dövrü ilə müqayisədə 38 faiz azalıb.
Martın 27-də El Salvadorda bir ay müddətinə fövqəladə vəziyyət elan edildi, sonra bu qərar hər ay yeniləndi.
Bukele iyunun 30-da silahlı qruplaşmalara qarşı müharibənin güclənəcəyini bildirib.
Martın əvvəlindən ölkədə dəstə üzvlərinə qarşı keçirilən əməliyyatlarda 100-dən çox adam həyatını itirib, saxlanılanların sayının 65 mini keçdiyi bildirilir.
Səlahiyyətlilər ölkədə zorakılığın yenidən artmasında MS13 bandasını günahlandırır.
Dünyanın ən çox qətlə yetirildiyi ölkələrdən biri olan El Salvadorun ölkədəki quldur dəstələrinin gücünə görə ciddi təhlükəsizlik problemləri var. (AA-İHA)
Tərcümə“24 SAAT”
