2022-11-21 11:50:34
Qətərdə keçirilən 2022-ci il dünya çempionatı dünən axşam keçirilən Qətər – Ekvador döyüşü ilə başlayıb.
Turnirin ilk oyunu Ekvadorun qələbəsi ilə yekunlaşarkən Dohadan maraqlı görüntü gəlib.
Turnir üçün ərazidə olan argentinalı jurnalist Dominik Metzger canlı yayım zamanı qarət edilib.
Fan Zonada turnirlə bağlı son hadisələri çatdıran Metzger sosial media hesabında yaşadıqlarını paylaşıb.
Marca-da yer alan xəbərə görə, Metzger canlı yayımda olarkən onun pul kisəsi arxasındakı fanatlardan biri tərəfindən oğurlanıb.
Argentinalı jurnalist “Canlı yayım zamanı pul kisəmi oğurladılar, içində şəxsiyyət vəsiqəm də var idi” deyib.
Sonrakı müddətdə yaşadıqlarını izah edən Metzger, polisin bütün itirilmiş əşyaları tapacağına söz verdiyini bildirdi.
Qətər rəsmilərinin sözlərinə görə, stadionlarda üz tanıma texnologiyasına malik 15 min kamera var.
Jurnalist ‘Üz tanınması ilə oğrunu tapacaqlarını dedilər və məndən hansı cəza istədiyimi soruşdular’ dedi və sözlərinə belə davam etdi;
“Məndən necə ədalət istədiyimi soruşdular. ‘Ona nə cəza verməmizi istəyirsən? Onun beş il həbs cəzası almasını istəyirsiniz? Deportasiya olunmaq istəyirsən?’ onlar dedilər.’
Metzger izah etdi ki, o, heç bir cəza istəməyib, sadəcə olaraq itirilmiş əşyalarının tapılmasını istəyir.
Tərcümə“24 SAAT”
