Rusiya ilə Ukrayna arasında müharibə davam edir. Fevralın 24-də bir il olacaq müharibədə Rusiyadan nüvə silahı təhlükəsi gəldi. Bu inkişafdan sonra Moskvada təəccüblü görüntülər qeydə alınıb. Kreml Ukraynadan mümkün hücumlara qarşı binaların və göydələnlərin damlarında qabaqcıl texnologiya müdafiə sistemləri yerləşdirməyə başlayıb.
Paytaxt Moskvada binaların damlarında qabaqcıl texnologiya müdafiə sistemləri yerləşdirilməyə başlandı. Moskvanın mümkün raket və dron hücumlarının hədəfi olacağı ilə bağlı şayiələrdən sonra Rusiya rəsmiləri hərəkətə keçib.
Müdafiə Nazirliyinin və hərbi binaların damlarına S-400 və Pantsir hava hücumundan müdafiə sistemləri yerləşdirilməyə başlanıb. Ukrayna son aylarda Rusiya sərhədinə yaxın ərazilərə hava zərbələri endirib.
Paytaxt Moskvanın damlarındakı fəaliyyətdən sonra danışan ekspertlər son tədbirlərin Rusiyanın yeni hava hücumlarından narahat olduğunun göstəricisi olduğunu bildirib. Mütəxəssislər xəbərdarlıq ediblər ki, yeni hücumun başlaması an məsələsidir.
Verilən açıqlamalarda, Ukraynanın son aylarda həyata keçirdiyi hava hücumlarının təkrarlanması ehtimalına qarşı paytaxtda tədbirlərin görüldüyü bildirilib. Görülən tədbirlərin Ukraynaya yeni silah yardımından sonra olması diqqət çəkib.
Şəkildə Moskva çayı yaxınlığında Rusiya Müdafiə Nazirliyinin istifadə etdiyi səkkiz mərtəbəli binanın damında quraşdırılmış “Pantsir” raket sistemi əks olunub.
Tərcümə“24 SAAT”
