Aprelin 2-də cəbhə xəttində baş verən qanlı döyüşlərdə ermənilərin böyük itkilərə məruz qaldığından bəhs etmişik. Bu itkilər təkcə Azərbaycan mediasında yox, xarici mediada da təsdiqlənib. Baxmayaraq ki, Ermənistan tərəfi itki sayını gizlətməyə cəhd göstərir. Amma erməni KİV-ləri Sarkisyan hakimiyyətinin ağır duruma düşdüyünü, Azərbaycan ordusunun fədakarlığını etiraf etmək məcburiyyətində qalıb.
Avrasiya.net haynews.net-ə istinadən xəbər verir ki, qanlı döyüşlərdə Azərbaycan ordusunun ağır zərbələrinə düçar olan ermənilərin əksəriyyəti qorxudan silahları atıb qaçmaq istəyib. Saytın yazdığına görə, 17 erməni əsgər qaçmaq istərkən elə komandirləri tərəfindən yerindəcə güllələniblər. Güllələnən əsgərlərin meyitləri tanınmaz hala salınaraq morqlara yerləşdirilib, ailələrinə təhvil verilməyib. Bu gün isə erməni hərbi birləşmələrinə kömək məqsədilə 102-ci hərbi bazadan 500 rus əsgər göndərilib.
Daha bir xəbər isə Ermənistanda səfərbərliyin elan edilməsindən qorxan gənclərin ölkəni tərk etmək məcburiyyətinin qarşısının alınması ilə bağlıdır. Bu gün səhər ölkəni tərk etmək istəyən 750 erməni gənc sərhəddən buraxılmayıb.

Saytların yığılması