Siyasət
İlham Əliyev Ramil Usubovu mükafatlandırdı – FOTO
Daxili işlər naziri, general-polkovnik Ramil Usubov Azərbaycan Respublikasının Prezidentinin 2018-ci il 29 iyun tarixli sərəncamı ilə 1-ci dərəcəli “Vətənə xidmətə görə” ordeni ilə təltif edilib.
Orden nazirə Azərbaycan Polisinin yaranmasının 100 illiyi münasibətilə, Azərbaycan Respublikasında ictimai təhlükəsizliyin və asayişin təmin edilməsində, cinayətkarlığa qarşı mübarizədə xüsusi xidmətlərinə görə verilib.
Daxili İşlər Nazirliyinin (DİN) Mətbuat xidmətindən verilən məlumata görə, ötən gün Prezident İlham Əliyev yüksək dövlət mükafatını – 1-ci dərəcəli “Vətənə xidmətə görə” ordenini daxili işlər naziri, general-polkovnik Ramil Usubova təqdim edib.