Prezident Rusiya ordusundan geri çəkilməyi tələb etdi
Moldova prezidenti İqor Dodon “Dnestryanı Moldova Respublikası” separatçı regionunun statusu haqqında referendumun keçirilməsi ideyası ilə çıxış edib.
Publika.az xəbər verir ki, bu haqda “Bloknot-Moldova” saytı yazıb.
“Dnestryanı probleminin nizama salınması ilə bağlı prezident, parlament və hökumət səviyyəsində müxtəlif mövqelər olmamalıdır. Qərar ümumi olmalı, referendum yolu ilə əhalinin əksəriyyəti tərəfindən qəbul edilməlidir”, – o, mətbuat konfransında deyib.
Dodon bildirib ki, Moldova ərazisində Rusiya qoşunları olmamalıdır və yekunda qalmayacaq:
“Dnestryanı ərazisindən xarici qoşunların çıxarılması münaqişənin siyasi həlli ilə birbaşa bağlıdır. Ümid edirik ki, yaxın vaxtlarda bu problem üzrə dialoq bərpa ediləcək. Müzakirələrin gedişatında münasib qərarı hazırlayacağıq və onu xalqa təqdim edəcəyik. Son söz Moldova vətəndaşlarının olacaq”.