2022-10-18 18:04:53
Egey və Yunanıstandakı son hadisələrlə bağlı ABŞ-dan yeni açıqlama gəlib.
ABŞ-ın Türkiyədəki səfiri Fleyk Vaşinqtonun Egeydəki mövqeyində heç bir dəyişiklik olmadığını vurğulayıb.
ABŞ nümayəndəsi “biz tərəf tutmuruq” deyib və “Yunanıstanla müdafiə sahəsində əməkdaşlığımız NATO-nun şərq cinahını gücləndirmək məqsədi daşıyır” deyib.
“NATO müttəfiqlərimiz Türkiyə və Yunanıstanla təhlükəsizlik sahəsində əməkdaşlığımız tərəf tutmağa və ya tərəfdaşlardan birinin sabitliyini pozmağa əsaslanmır”, – Fleyk bildirib.
ABŞ-ın Ankaradakı səfiri Cefri Fleykin açıqlaması belədir:
“Bu yaxınlarda mənə sual verdilər ki, ABŞ-ın Egeydə təhlükəsizliklə bağlı mövqeyində dəyişiklik olubmu? Bu suala cavabım “Xeyr”dir. NATO müttəfiqlərimiz Türkiyə və Yunanıstanla təhlükəsizlik sahəsində əməkdaşlığımız tərəf tutmağa və ya tərəfdaşlardan birini sabitliyi pozmağa əsaslanmır. Hazırda bizim birgə səylərimiz Rusiyanın Ukraynada amansız və əsassız müharibəsinə son qoymağa yönəlib.
Türkiyə xüsusilə ərzaq təhlükəsizliyini daha yüksək səviyyəyə çıxararaq, Ukrayna ilə Rusiya arasında dialoq qurmaqla dəyərli dəstəyini davam etdirir. Yunanıstanla müdafiə sahəsində əməkdaşlığımız Ukraynanı və Mərkəzi və Şərqi Avropadakı NATO müttəfiqlərimizi dəstəkləməklə NATO-nun şərq cinahını gücləndirir. NATO müttəfiqlərimiz Türkiyə və Yunanıstanla paylaşdığımız əsas məqsəd bütün regionda sülh, təhlükəsizlik və sabitliyi təmin etməkdir”.
Ötən həftələrdə Yunanıstanın beynəlxalq hüquqa məhəl qoymadan Egey adalarına qeyri-rəsmi hərbi statuslu zirehli maşınlar göndərdiyi ortaya çıxıb.
Türk Silahlı Qüvvələrinə (TSK) məxsus pilotsuz uçuş aparatları (PUA) Egey dənizində uçuş missiyaları ilə; Yunanıstanın Qeyri-Hərbi Statusu olan Adaları (GASA) ABŞ-ın Lesbos və Samos adalarına hədiyyə etdiyi zirehli hərbi maşınların göndərilməsini qeydə alıb.
Flake əvvəlki açıqlamasında Vaşinqtonun Türkiyə ilə müdafiə sənayesi ticarətini inkişaf etdirməli olduğunu vurğulamışdı.
“Türkiyə region üçün həm körpü, həm də bufer rolunu oynayan əvəzsiz müttəfiqdir”, – ABŞ nümayəndəsi bildirib.
Tərcümə“24 SAAT”
