Zaman-zaman baş verə biləcək təyyarə qəzalarına yenisi əlavə edilib. Tanzaniyanın ən böyük aviaşirkəti olan Precision Air-in sərnişin təyyarəsi Bukoba şəhərinin hava limanına enmək istəyərkən Viktoriya gölünə düşüb. Səlahiyyətlilərdən verilən açıqlamada, paytaxt Darüs-Salamdan havaya qalxan təyyarənin fırtına və leysan yağışlar səbəbindən Viktoriya gölünə düşdüyü bildirilib. Axtarış-xilasetmə qrupları qayıqlarla hadisə yerinə göndərilərkən, indiyədək 15 nəfərin xilas edildiyi bildirilib. Təyyarədə neçə sərnişinin olduğu barədə məlumat verilməyib.
Tanzaniya prezidenti Samia Suluhu Hassan qəza ilə bağlı sosial media hesabından “Precision Air” şirkətinə məxsus təyyarənin qarışdığı qəza xəbərini kədərlə öyrəndim. Xilasetmə əməliyyatlarının davam etdiyi anlarda sakitliyimizi qorumağınızı xahiş edirəm” deyib.
Tanzaniya Polisinin Kagera Bölgəsi Müdiri William Mwampaghale pis hava şəraiti səbəbiylə Viktoriya gölünə düşən təyyarədəki bir çox sərnişinin xilas edildiyi məlumatını paylaşıb. Mwampaghale xilasetmə işlərinin davam etdiyini qeyd edib.
Digər tərəfdən sosial mediada paylaşılan görüntülərdə təyyarənin demək olar ki, hamısının su altında qaldığı görülüb.
(İHA-AA)
Tərcümə“24 SAAT”