Ukrayna prezidenti Vladimir Zelenski bəyan edib ki, Rusiya hərbçilərinin Ukraynanın kritik enerji infrastrukturlarına hücumları nəticəsində dəyən ziyana görə elektrik enerjisinin kəsilməsi ilə bağlı vəziyyət “ciddi”dir.
Zelenski Telegram hesabında paylaşdığı gündəlik videomüraciətdə ictimaiyyətə müraciət edib və Ukraynada elektrik enerjisinin kəsilməsinin davam etdiyini qeyd edib.
Rusiya qüvvələrinin elektrik infrastrukturlarını hədəf alması nəticəsində Kiyev, Odessa, Lvov və digər bölgələrdə elektrik kəsiminin davam etdiyini izah edən Zelenski Ukraynadakı enerji problemləri ilə bağlı “vəziyyətin ciddi olduğunu” qiymətləndirib.
Prezident Rəcəb Tayyib Ərdoğanla telefon danışığı olduğunu bildirən Zelenski, Qara dəniz taxıl dəhlizinin genişləndirilməsi və Türkiyə və Ukrayna üçün böyük əhəmiyyət kəsb edən qlobal hadisələri müzakirə etdiklərini qeyd edib.
Digər tərəfdən, Zelenski Fransa prezidenti Emmanuel Makronla telefon danışığı apardığını və yaxın saatlarda ABŞ prezidenti Co Baydenlə telefonla danışacağını bildirib. (AA)
Tərcümə“24 SAAT”
