Prezident İlham Əliyev dekabrın 29-da aztəminatlı ailələrə birdəfəlik maddi yardım verilməsi haqqında sərəncam imzalayıb.
Sərəncama əsasən, ünvanlı dövlət sosial yardımı alan ailələrin hər birinə 100 manat məbləğində birdəfəlik maddi yardım veriləcək. Bu məqsədlə Əmək və Əhalinin Sosial Müdafiəsi Nazirliyi üçün nəzərdə tutulmuş vəsaitdən 4 milyon 800 min manat ayrılıb.
Azərbaycanda ünvanlı sosial yardımların verilməsinə 2006-cı ildən başlanıb. Həmin müddətdən uşaqlara aylıq müavinətlərin verilməsi dayandırılıb.
2021-ci ilin martında orta hesabla bir ailəyə ödənilən ünvanlı dövlət sosial yardımın məbləği 246 manat təşkil edib.
Mənbə: AzadlıqRadiosu
“24 saat”
