Yunanıstanda 36 nəfərin öldüyü qatar qəzasından sonra infrastruktur və nəqliyyat naziri Kostas Karamanlis istefa verib. Karamanlis açıqlamasında, “Bu faciəvi bir şey baş verəndə, davam edib heç olmamış kimi davranmaq mümkün deyil. Bunun adı siyasi məsuliyyətdir. Bu səbəbdən İnfrastruktur və Nəqliyyat Naziri vəzifəsindən istefa verdiyimi açıqlayıram.” Məsuliyyəti öz üzərinə götürdüyünü qeyd edib. Yunan dövlətinin və siyasi sisteminin tarix boyu buraxdığı səhvlərə görə, “Ən dərin təəssüf hissimi bildirirəm və həlak olanların ailələrinə dəstəyimi bildirirəm” dedi.
Yunanıstan polisinin verdiyi açıqlamada, qatar qəzası ilə bağlı Larissa şəhərindəki qatar stansiyasının müdirinin saxlanıldığı bildirilib. Yunanıstan polisinin sözçüsü Constantia Dimoglidou verdiyi açıqlamada, 59 yaşlı şübhəlinin sərnişin qatarının yük qatarı ilə toqquşması ilə bağlı ilkin istintaq çərçivəsində Larissa Polis İdarəsi tərəfindən saxlanıldığını və hakim qarşısına çıxarılacağını bildirib.
Afinadan Salonikiyə gedən sərnişin qatarının Larisanın şimalındakı Tempi bölgəsində yük qatarı ilə üzbəüz toqquşması nəticəsində 36 nəfər həlak olub. Qəzada sərnişin qatarının birinci və ikinci vaqonları toqquşmanın gücündən tamamilə əzilib, üçüncü vaqon isə relsdən çıxıb. Hellenic Train dəmir yolu şirkətinin məlumatına görə, qəzada sərnişin qatarında 342 sərnişin və 10 ekipaj, yük qatarında isə 2 heyət olub. Sərnişin qatarındakı sərnişinlərin əksəriyyətinin tələbələr olduğu bildirilib. Bildirilib ki, toqquşmadan əvvəl iki qatar bir-birinə “kilometrlər”lə eyni xətt üzrə gedirmiş. Toqquşmanın səbəbi hələlik məlum olmasa da, hadisə ilə bağlı araşdırmalar davam edir.
Mənbə: İHA-Reuters
Tərcümə“24 SAAT”
