Braziliyada konqres basqında da iştirak edən və ABŞ-da yaşamağa başlayan keçmiş dövlət katibi Bolsonaronun ölkəsində ifadə verməsi gözlənilir. Braziliyanın ədliyyə naziri Flavio Dino bəyan edilməmiş 3,2 milyon dollarlıq zinət əşyaları ilə bağlı başladılan istintaqda çoxlu dəlil olduğuna diqqət çəkib və Bolsonaronun ifadə verməyə gəlmədiyi təqdirdə nələrin baş verəcəyindən də danışıb.
Flavio Dino bildirib ki, keçmiş prezident Jair Bolsonaro Səudiyyə Ərəbistanı səfərindən qayıdarkən aşkarlanan 3,2 milyon dollar dəyərində qızıl-zinət əşyaları ilə bağlı ifadə verməyə çağırılacaq. Dino verdiyi açıqlamada Bolsonaronun ifadə vermək üçün çağırılacağını bildirsə də, açıqlamanın tarixi ilə bağlı məlumat paylaşmayıb.
Nazir Dino, “Keçmiş prezident ifadə vermək üçün çağırılacaq. Gəlməzsə, beynəlxalq əməkdaşlıq mexanizmlərinin işə düşəcəyi yeni bir vəziyyət yarana bilər.” dedi.
Bəyan edilməmiş daş-qaşlarla bağlı araşdırmaların davam etdiyini qeyd edən Dino, “Dinlənən başqa adamlar və şahidlər də var. İstintaq dinlənilmədən tamamlana bilər, amma inşallah, gəlib ifadəsini verəcək” dedi. dedi.
Dino istintaq çərçivəsində çoxlu fotoşəkil, video və sübutların olmasına diqqət çəkib.
Dəyəri 3,2 milyon dollar olan daş-qaşlar Bolsonaronun ekipajından birinin Səudiyyə Ərəbistanı səfərindən qayıdarkən San-Paulu Quarulhos hava limanında onun bel çantasında tapılıb.
Bolsonaro isə vəkili Frederick Wassef vasitəsilə söz mövzusu zinət əşyalarının bildirildiyini və məsələdə heç bir qanun pozuntusunun olmadığını müdafiə edib.
Braziliyada konqres basqını “təhrik etmək” ittihamı ilə istintaq altında olan Bolsonaro 30 dekabr 2022-ci ildən ABŞ-da yaşayır.
Bolsonaronun ABŞ-da daha uzun müddət qalmaq üçün viza üçün müraciət etdiyi qeyd edilib.
(AA)
Tərcümə“24 SAAT”
