Dünya
Əfqanıstanda azı 27 uşaq şaxtalı havanın qurbanı olub
Əfqanıstanın şimalında havaların şaxtalı keçməsi səbəbindən azı 27 uşaq ölüb.
“Report” “Sinxua” agentliyinə istinadən xəbər verir ki, bu haqda yerli hakimiyyət nümayəndələri bildirib.
İnformasiyaya əsasən, uşaqlar ölkənin Dərzab qəzasının Cauzcan bölgəsində əlverişsiz havanın qurbanı olublar.
Qeyd edək ki, son günlər Əfqanıstanın şimalına güclü qar yağıb, havalar şaxtalı keçir.
