Cənubi Koreyanın Daejon şəhərində təkər fabrikində baş verən yanğın panikaya səbəb olub. Ötən gün yerli vaxtla saat 22:10 radələrində ölkənin aparıcı təkər istehsalçısı Hankook Tire-ə məxsus fabrikdə yanğın baş verib.

Saytların yığılması

Hadisə yerinə gələn 400-dən çox yanğınsöndürən yanğına müdaxilə edib. Yanğınla əlaqədar ehtiyat tədbiri olaraq ətrafdakı mənzillərin sakinləri təxliyə edilərkən, rayonda dəmir yolu və avtomobillərin hərəkətində də fasilə yaranıb.

Yanğında can itkisi olmasa da, tüstüdən zərər çəkən 10 işçi və 1 yanğınsöndürən xəstəxanaya çatdırılıb. 10 saatlıq işdən sonra alov nəzarət altına alınan fabrikdə 400 min təkərin külə çevrildiyi öyrənilib.

Yanğının səbəblərini müəyyən etmək üçün ətraflı araşdırmalara başlanılıb.