Dünya
CAR parlamenti bu gün yeni prezident seçəcək
Cənubi Afrika Respublikası (CAR ) parlamenti yeni prezident seçməyə hazırlaşır.
APA-nın “Times Live”-ə istinadən verdiyi xəbərə görə, bu barədə Cənubi Afrika Respublikasının hakim Milli Konqres Partiyasının nümayəndəsi Cekson Mtembu məlumat verib.
Yeni prezident bu gün yerli vaxtla saat 14:00-da seçiləcək.
Xatırladaq ki, CAR prezidenti Ceykob Zuma istefa verib. O, xalqa müraciətində heç bir ittihamla razı olmadığını, lakin partiyanın qərarına tabe olduğunu deyib.
Qeyd edək ki, fevralın 12-də Cənubi Afrika Respublikasının hakim Milli Konqres Partiyası ölkə prezidenti Ceykob Zumaya postunu tərk etmək üçün 48 saat vaxt verib. Müxalifət 2014-cü ildən etibarən C. Zumanı dövlət büdcəsindən böyük məbləğdə vəsaiti mənimsəməkdə günahlandırır.