2022-12-04 18:49:11
İndoneziyanın Şərqi Yava əyalətində 3676 metr yüksəklikdə yerləşən Semeru vulkanı yenidən aktivləşib.
Səlahiyyətlilərin verdiyi açıqlamada, Semeru vulkanının püskürmə zamanı bir kilometr yarım yüksəkliyə kül və tüstü atdığı bildirilib.
Partlayışdan sonra bölgədəki yüzlərlə insan müvəqqəti sığınacaqlara və təhlükəsiz ərazilərə təxliyə edilib.
Bölgə əhalisinə vulkan kraterindən ən az 5 kilometr uzaqlaşmaq tövsiyə edilərkən, hadisədə can itkisi yaşanmayıb.
XƏBƏRDARLIQ SƏVİYYƏSİ ƏN YÜKSƏKƏ ARTIB
Yaponiya Meteorologiya İdarəsi Semeru vulkanının püskürməsi ilə əlaqədar sunami xəbərdarlığı edib.
Səlahiyyətlilər də xəbərdarlıq səviyyəsini ən yüksək səviyyəyə qaldırıblar.
Ötən ilin dekabrında Semeru vulkanında böyük püskürmə baş vermiş və 51 nəfər həyatını itirmişdi.
Çox sayda evə ziyan vuran partlayışda bölgədə 10 mindən çox insan təxliyə edilib.
Tərcümə“24 SAAT”